KAF pillugu

Ilinniartut Ineqarfiisa Allaffeqarfiannut (KAF), Nuup qeqqani inissisimasumut tikilluarit.

Ilinniartunut avatangiisimik angerlarsimaffippalaartumik tapersersuiffiusumillu pilersitsinissarput assut tunniusimaffigaarput

1980-imi pilersinneqarluni KAF aallaqqaammut 200-t missaannik kollegiani inissaateqarpoq massakkullu ilinniartut amerlasuut ilinniarnerini qitiusumik inissisimalerluta ineriartornikuuvugut.
Ullumikkut KAF maani illoqarfiit pingaarnersaanni ineeqqanik inissianillu 738-nik amerlanerusunik allaffissornikkut ingerlatsisuuvoq.
‍
KAF-ip ilinniarnermi inissiaatai tamarmik Nuummiipput, tamatumalu ilinniartut ilinniarnermikkut anguniagaqarnerminni angerlarsimaffimmik pilersitsisinnaanissaat ajornaatsunngortittarpaa. Malittarisassat Ilinniartut ineqarfii pillugit Inatsisartutinatsisaat nr. 42 12. decembari 2019-imeersumiittut naapertorlugit inissiaatitta tamarmik attartortinneqarlutillu allaffissornikkut ingerlanneqarnissaannik qulakkeerinnittarpugut, tamannalu ineqartunut tamanut eqqortumik ammasumillu avatangiiseqartitsinissamik qulakkeerinnittarpoq. 

Iserterninnit atortutta kiffartuussissutittalu illit ilinniartutut pisariaqartitannut immikkuullarissunut tulluarsarnissaannut piareersimavugut.
KAF-imi uatsinnut ilinniarninnut ukkatarinnissinnaaniassagavit ilutigalugulu Nuummi ilinniarnerit ingerlalluarniassammat toqqissisimanartumik angerlarsimaffeqarnissat pingaaruteqarluinnarpoq.

Nuuk Nunarput tamakkerlugu ilinniartunit orninneqartarpoq taamaattumillu KAF ilinniartuulernermut ikaarsaarnerup sapinngisamik pitsaanerpaamik ingerlanissaanut pingaaruteqartumik atuuffeqarpoq.
Kollegiani ineqarfinnik allaffissornikkut ingerlatsisuuginnanngilagut; illit ilinniartutut ingerlalluarfigisannik ilinniarninnilu ineriartorfigisinnaasannik angerlarsimaffeqarnissannut periarfissamik neqerooruteqartarpugut.

Ilinniartut Ineqarfiisa Allaffeqarfianni ima oqarsinnaanerput tulluusimaarutigaarput:
"Siunissaq KAF-imi najugaqarpoq".