Paasissutissat
pisariallit

Ilinniartut Ineqarfiisa Allaffeqarfiat ukiut tamaasa ataatsimooqatigiinnermik, malittarisassat pissutsillu allat pillugit ilisimatitsiffiusartumik aaqqissuisarpoq.

‍

Piffissami kollegiami najugaqarfinni, malittarisassat kollegianut atuuttut malinnissaannut pisussaatitaavutit, taamaanngippat anisitaasinnaagavit. Taamaattoqartillugu kollegiami allami inissamik innersuussisoqarsinnaanngilaq. 

Kollegiani tamani I.K.I.N. kollegiat ataanniittunut ataatsimut malittarisassaqarpoq, matumalu saniatigut kollegiani tamani immikkut ittunik malittarisassaqartarluni (torersuunissamut ileqqorissaarnissamullu tunngasut).

• Allanut sulisunulluunniit nakuuserneq nakuuserniarluniluunniit siorasaarinerit.
• Kollegiami ikiaroornartumik pigisaqarneq imaluunniit patsiseqarluartumik pasitsaassisoqartillugu (nakorsaatitut taakku atorneqarneri matumunnga ilaatinneqanngillat)
• Ineqartut allat ineqarfiulluunniit pigisaanik tillinneq
• Ineqarfimmi aserorterineq
• Immikkut akuersissuteqaqqaartinnani inigisami/kollegiami aallaaseqarneq
• Kollegiamik inummut allamut attartortitsineq

• Imigassanik aalakoornartulinnik atuineq, tamanna ineqartunut allanut sulisunullu akornusersuutaappat.
• Uumasuuteqarneq, soorlu qimminik, qitsunnik miluumasunillu allanik.
• Ineqarfimmi malittarisassanik malinninnginneq, eqqiaanermi, ineqartut ataatsimiinnerini pinngitsoorani peqataaffigeqquneqartuni peqataannginneq allallu.

‍

• Nipiliorneq nipituumillu nipilersuutinik appisimaarneq ineqartunut allanut akornusersuutaassanngilaq ininilu unnukkut aqqanerniit eqqissisimasoqartassaaq. Meeqqat qulingiluaniit eqqissisimatinneqartassapput.
• Imigassaq unnuap qeqqata kingorna kollegiani tamani inerteqqutaavoq, tamanna sapaatip akunnerani ullut tamakkerlugit atuuppoq.
• Pulaartut ineqartunut qanorluunniit ajoqusersueqqusaanngillat. Ineqartoq avataanit tikeraaqarsinnaatitaavoq ullulli amerlanerpaamik 14-iinnaat (tikeraartoqarnissamut immersugassaq atorlugu qinnuteqaatiginissaa eqqaamaneqassaaq).

‍

• Oqaatsitigut mianersoqqussut (tamanna suliamut allanneqassaaq).
• Allakkatigut mianersoqqussut.

Ilinniartut Ineqarfiisa Allaffeqarfiat aaqqissuussaanikkut Naalakkersuisoqarfimmut ilaavoq taamaattumillu Ilinniartut Ineqarfiisa Allaffeqarfiata aalajangiineri Naalakkersuisoqarfiuttaaq aalajangiinerai. Taamaattumik allaffissornikkut oqartussaasunut allanut aalajangiinerit pillugit naammagittaalliortoqarsinnaanngilaq. Sullissinermi kukkusoqarsimasoq isumaqaraanni, suliap suliareqqinneqarnissaanik Ilinniartut Ineqarfiisa Allaffeqarfiat qinnuigineqarsinnaavoq. Aalajangiinermik naammagisimaarinninngikkuit suliaq eqqartuussivimmut ingerlateqqissinnaavat.

Kollegiami ineqartut eqqiaanermik, nammineq inigisaminni ininilu ataatsimoorfinni soorlu inersuarmi, igaffinni anartarfinnilu namminneq isumaginnittussaapput. 

Eqqiaanissamut pilersaarusiaq ineqartunit malinneqartassaaq. Eqqiaanissamut pilersaarusiamik malinninnginneq kollegiamit anisitaanermik kinguneqarsinnaavoq. 

‍

Eqqagassat kollegiamit erngertumik peerneqartarnissaat pingaaruteqarpoq. Puussiat eqqaaviusut torsuusami aamma/imaluunniit igaffimmi sivisuumik uninngatinneqassanngillat.

‍

‍

Kollegiami ataatsimut igaffilimmi ineqaruit namminerluunniit igaffeqaruit atoreernerani erruiuaannarit. 

‍

Ineqarfimmi eqqiaanermut atortussat nammineq isumagineqartarput. Kollegiani ataatsimut uffarfeqarlutillu igaffilinni kiisalu inersualinni nammineq eqqiaanermik atortut isumagineqartarput.

‍

Kollegiami ineqartut tamarmik immikkut qaammammut 20 kr.-nik imaluunniit 25 kr.-nik eqqiaanermi atortunik ataatsimut pisiniarnissamut akileeqatigiittarsinnaasut, Ilinniartut Ineqarfiisa Allaffeqarfiata siunnersuutigaa.

‍

Apeqqutissaqarussi Ilinniartut Ineqarfiisa Allaffeqarfiannut attaveqarnissassinnut tikilluaqqusaajuaannarpusi. KAF-imi ataatsimoorluni suleqatigiinnerup ingerlalluarnissaa pingaaruteqartipparput.

‍

Uumasut ajoqutaasut kollegiani ajoqutaalersinnaapput, soorlu uumasuaqqat brune pelsklanner, sølvfisk, skægkræ assigisaalu

Seqqartaaneq arlaleriarluni uumasunik ajoqutaasunik pinaveersaartitsinermi atorneqarnikuuvoq, ineqartulli uumasunik ajoqutaasunik pinaveersaartitsinermi ikiuutissagunik iliuuserisinnaasaat pitsaanerpaamik sunniuteqartussat innersuussutinik ukuninnga malinninnikkut pisinnaapput:

• Sapaatip akunneranut arlaleriarluni støvsugerimik pujoralaajaaneq
• Sofap tunuani, reolini assigisaannilu støvsugerimik pujoralaajaaneq eqqiaanerlu.
• Imermik klorinimik imaluunniit seernartumik (eddike) listinik natermiittunik, sofap tunuani assigisaannilu eqqiaaneq (imeq klorinilik qaqorsaammik akuneqassanngilaq)
• Ullut tamaasa silaannarissartarneq
• Inimi eqqiluisaarluarneq

‍

Allagarsiassatit allakkerivimmit pingasunngornerit tallimanngornerillu tamaasa aaneqartarput.

‍

Allakkat kollegiani pineqartuni torsuusani ataatsimoorussani allagarsiivinnut ilineqartarput.

KAF-ip kollegiaani tamani pujortarneq inerteqqutaavoq. Ininni pujortarneq aamma inerteqqutaavoq.

Kollegiat ataatsimoorfiusut tamarmik nillataartitsiveqarlutillu qerititsiveqarput. Taamaattumik taakku inissaannik avitseqatigiissinnaanissaq pingaaruteqarpoq. 

‍

‍

Ineqarnermut akiliut qaammatikkaartuusoq siumoortumik akilerneqartarpoq kingusinnerpaamillu qaammatip aallartittup ulluisa pingajuat sioqqullugu akilerneqareertarsimassalluni. 

Ineqarnermut akiliut ullukkaartumik naatsorsorneqartarpoq. 

Ineqarnermut akiliut piffissaliussaq qaangiutsinnagu akilerneqarsimanngippat qaammatillu marluk ineqarnermut akiliisoqarsimanngippat attartornissamut isumaqatigiissut taamaatinneqassaaq. 

Ilinniartut Ineqarfiisa Allaffeqarfiat anisitaasunik inisseeqqinnissaminut Inissianik attartortitsisarneq pillugu Inatsisartut peqqussutaanni § 1. imm. 2 (peqqussummi pisoqqami § 2. imm. 3) naapertorlugu pisussaaffeqanngilaq.

‍

‍

Kollegiani tulliuttuni ataatsimut errorsisarfeqarpoq:

• Jern- & Metalkollegiet
• Maskinistkollegiet
• Lærlingekollegiet
• Hotel Nuuk
• Kujallerpaat 13, 15 & 17A/B
• Kujallerpaat 19, 21, 25, 27, 29, 31 & 33
• Qattaaq
• Qaamiut
• Julemærkekollegiet
• Ukiivik
• Sembo

‍

Qaqorsaat kingunerutillu nammineq nassassavatit.

Ininni atisanik panersiinaveersaarit, peqqinnanngitsumik isugutattumik silaannaqartitsisarmat.

Ineqarfiit atisannut errukkannut akisussaasuunngilaq, taamaattumik paarikkit panerniariartullu peerlugit.

‍

• Ataasiarluni errorsineq kr. 15,00-nik akeqarpoq
  
• Panersiivimmik atuineq kr. 5,00-inik akeqarpoq.

Errorsivik atorniarukku matuersaatit Salto atussavat. KAF-imut saaffiginninnikkut matuersaatit Salto aningaasanik errorsinermut atugassanik immertissinnaavat.

Errorsinermi akiliummi (matuersaat Salto) aningaasat imarineqartut utertinneqarsinnaannginneri eqqumaffigeqquarput!

Nammineq sillimmasiisimaguit iluaqutaassaaq. Ilinniarninni angajoqqaavit sillimmataanni ilaanerlutit misissorsinnaavat, imaluunniit nammineq imminut sillimmaserlutit. 

‍

Ilinniartut Ineqarfiisa Allaffeqarfiata sillimmasiisarnerani nammineq pigisat tillinneqarnerat ikuallattoqarneranilu ajoquserneqarnerat matussuserneqarneq ajorput.

‍

Iserterninni qimaaffissiat sumiinnerinik misissuinissat pingaaruteqarpoq, ikuallattoqartillugu iluaqutigisinnaagakku.