.png)
Inigisannik attartornermik taamaatitsineq, aallarnissamut piareersarneq, apeqqutigineqakulasut matuersaatinillu tunniussinissaq paasisaqarfigikkit ajornannginnerusumillu inigisanniit aninissat piareersarfigalugu.
Eqqaamallugu attartornermik taamaatitsinissat qaammat ataaseq sioqqullugu pissammat KAF-imiillu uppernarsarneqassalluni
Eqqiaanissaq pisattanillu misissuinissaq aallannginnermi pisariaqarpoq
Akissutit attartorunnaarnermut, matuersaatinik utertitsinermut anilernermilu malittarisassanut tunngasut
Matuersaatit KAF-ip allaffianut tunniukkiartukkit, inigisannut inaalikkit imaluunniit allakkanik nakkartitsivimmut ilikkit
lneqarfimmi inigisat tamatigut atuarnerup naammasseriitsiarnerani imaluunniit ilinniarnerup unitsinnerani qimanneqartassaaq.
Attartornermut isumaqatigiissut atorunnaarsinnissaanut piffissarititaq:
Attartorneq atorunnaarsissinnaavat sivikinnerpaamik qaammat ataaseq sioqqullugu qaammatip naanissaanut Ilinniartut Ineqarfiisa Allaffeqarfianut allakkatigut ilisimatitsereernikkut, attartorneq pillugu isumaqatigiissummi sivikinnerusumik piffissaliussilluni ilisimatitsisoqarsimanngippat.
Ima attartornerit taamaatissavat:
Attartornermut isumaqatigiissut taamaatinnissaanut immersugassaq sullissivikkut uani nanisinnaavat immersorlugulu: sullissivik.gl, imaluunniit anillatseriarlugu KAF-imut nassiullugu.
Kollegiani inigisat qimatsinnagu, eqqiaanermut, pisattat qanoq innerinik misissuinermut kiisalu matuersaatinik tunniussinermut tunngatillugu isumagisassaqarpoq.
1. Eqqiaaneq aserfallatsaaliinerlu
Kollegiami inip peqqissaarussamik eqqiarneqarnissaa pingaaruteqarpoq. Tamanna isumaqarpoq, aallannginnermi:
Pingaaruteqarpoq inigisat qimalikkat ataatsimoortarfiillu iserternittut qimassagakkit.
Malugiuk! Nammineq pigisat eqqagassallu kollegieniik aninermi inigisimasamut qimanneqartussaanngimmata.
Pisattat qimatat ikuallaavissuarmut tunniunneqassapput, tassungalu akiligassaq kollegiami ineqarsimasumut akiligassanngortinneqassapput.
2. Amiineq
Kollegianiit aninermi ini nammineq amissagaanni qalipaatit atugassat ukuupput:
Iikkat:
Qalipaat: Sigmatex Råhvid
Qillissuseq: Glans 7
Qilaat:
Qalipaat: Sigmawal Råhvid
Qillissuseq: Glans 1
Ini masattuleriviit (perusuersartarfik/uffarfik):
Qalipaat: Sigmatex råhvid
Qillissuseq: Glans 25
Qalipaatissaq ininut masattulerivinnut naatsorsuussaq atorneqassaaq. Qalipaataarniarfimmut aperisinnaavutit.
Nammineq qalipaassallutit aaliangeruit uku eqqaamassavatit:
Taamaatitsinermi immersugassaq sullissivimmi uani nanisinnaavat: sullissivik.gl imaluunniit anillatseriarlugu KAF-imut nassiullugu.
Taamaatitsinerit nalunaarsorneqarpat KAF-imit uppernarsaammik nassinneqassaatit.
Taamaatitsineq KAF-imit taamaatitsineq pillugu uppernarsaammik pissarsiguit ingerlaannartumik atuutilissaaq.
Taamaattumik taamaatitsinerit KAF-imit uppernarsarneqareertilluni aatsaat atuutilissaaq.
Inimi attartukkamiik aninerni matuersaatit KAF-imut tunniukkiartorsinnaavatit, inimut attartukkamut qimassinnaavatit imaluunniit allakkanik nakkartitsivimmut ikillugit.
Matuersaatinik puiguineq akiligassitsinnermik kinguneqarsinnaavoq, matuersaaserfiit taarsertariaqarsinnaammata.
Aninissat pillugu allanik apeqqutissaqaruit Ilinniartut Ineqarfiisa Allaffeqarfiannut attaveqarnissannut tikilluaqqusaajuaannarputit.
Sumiiffik:
Jens Kreutzmannip Aqq. 8, Postboks 629, 3900 Nuuk
Oqarasuaat: +299 34 23 80
E-mail: kafadm@kaf.gl
Attartorunnaarnermi attartortoq matuersaatit tunniunnissaanut tunngatillugu arlalinnik periarfissaqarpoq.
Attartorunnaarnissaq nalunaarutigineqarpat, attartortup matuersaatit utertinnissai isumagissavaa.
