.png)
Nuummut nuunneq ilinniartunut misigisassaavoq annertooq ikaarsaarnerlu ajornannginnerpaatinniarlugu ikiorusuppatsigit.
Aajuku ilinniarninni ineqarfissannut iserternissannut piareersimaniassagavit ilisimasassatit pingaarutillit.
Angalanissaq, iserternissaq angallanneqarnissarlu
Nuummut tikinnginnerni sillimaffigikkit
Najugaqarfissarni pisatassatut pisariaqarsinnaasut pillugit naatsumik allattorsimaffiliaq
Akissutit inimut akiliisarnermut, matuersaatinut, inigisap qimalerneranut allanullu tunngasut
Ikiortariaqaruit imaluunniit paasissutissanik amigaateqaruit KAF-imut attavissat
1. Angalanissamut pilersaarutit
Nuummukarnissannut billetsi tigoreerukku, tikinnissannut paasissutissat nassiunneqassapput KAF
mail-ianut uunga: kafadm@kaf.gl
2. Iserterneq
Ulloq iserterfissat sioqqullugu tikissaguit, utaqqiisaasumik ineqarnissat nammineq isumagissavat. Ulloq iserterfissaq e-mailimi KAF-imit allagarsianni allaqqavoq.
Allagarsianni paasissutissat pingaarutillit tamarmik atuarneqarsinnaapput.
3. Mittarfimmiit umiarsualivimmiilluunniit angallassisoqarneq
Ilinniartut Nuummut tikinnerini aallernissaq KAF-ip isumagineq ajorpaa.
Ilinniartut namminneq mittarfimmiit umiarsualivimmiilluunniit kollegiamut angallanneqarnissaq isumagissavat. Nuummi ilisarisimasaqanngikkuit taxanut inniminniisinnaavutit:
Nuuk taxi: 36 36 36
Taxagut: 32 13 21.
4. Tikinnermi
Nuummut tikinnermi ingerlaannaq Ilinniartut Ineqarfiisa Allaffeqarfiannukassaatit attartornermut isumaqatigiissut atsioriartorlugu matuersaatissallu aallugu.
Sumiiffia: Jens Kreutzmannip Aqq. 8, Postboks 629, 3900 Nuuk
Allaffiup matoqqanerani tikikkuit, KAF-imi pigaartut oqarasuaataat normu 55 83 00 atorlugu attaveqarfigisinnaavat.
5. Ineqarnermut akiliutip akilernera
Ineqarnermut akiliut FI-korti, najugaqarfinnut nassiunneqartartoq atorlugu akilerneqartarpoq. Akiligassitsinnissaq pinaveersaarniarlugu ineqarnermut akiliutip piffissaq eqqorlugu akilertarnissaa isumagiuk.
Pisariaqanngitsunik nassarnissat pinaveersaartinniarlugu inissanni suut aalajangersimasut pigineqareernersut pillugit KAF-ip attaveqarfigereernissaa isumassarsiatsialaasinnaavoq. Isumaqatigiissutinni sumi ineqassanersutit allaqqavoq taamaattumillu qupperneq Ilinniartut ineqarfii atorlugu ilinniartut ineqarfianni aalajangersimasumi suut pigineqarnersut takusinnaavat.
Nuummi angerlarsimaffinni pisariaqartissinnaasannik pisiniarnissannut periarfissaqarluarputit. Ilinniartunut akit pitsaasut atorlugit piserusukkaanni Facebookimi gruppiit tuniniaaviit Køb-Salg-Byttemik atillit ujaasiffigineqarsinnaapput.
Taamatuttaaq Brugsenimi, Pisiffimmi, Jyskimi, Møbelmagasinetimi, Nuuk Centerimi allarpassuarnilu pisiniarnissamut periarfissaqarpoq.
Nuulluarnissannik kissaappatsigit!
Innersuussutaannaapput, pisariaqartitsinerli aallaavigalugu nassatassat allattorsimaffiattut atorsinnaavoq.
Angerlarsimaffimmiit kollegiamut nuunneq allannguuterujussuuvoq, piareersarluarsimanissarlu pingaaruteqarpoq.
Init ilai pisatsersorneqareertarput ilaailu pisataqarneq ajorput. Attartornissamut isumaqatigiissutinni ini qanoq ittoq ilinnut tunniunneqarsimanersoq allaqqavoq.
Aajuna iserternermi suut pisattat nassassallugit isumassarsiatsialaanersoq allattorsimaffia:
Pisattat nalinginnaasut (init pisatsersorneqareersimanngippat)
Igaffimmi atortut (Nammineq igaffeqaruit)
Uffarfimmi sinittarfimmilu atortut
Eqqiaanermi atortut
Inummut
Innaallagiatortut
Ineqarnermut akiliut FI-korti, najugaqarfinnut nassiunneqartartoq atorlugu akilerneqartarpoq.
Akiliut KAF-ip kontuanut nuunneqassaaq ugguuna: 6471-1023850.
Bankimi nuussinermi attartortup Inuttut normu allagartalerfimmi allattarnissaa pingaaruteqarpoq.
Ullormi iserterfissanni Ilinniartut Ineqarfiisa Allaffeqarfiannukassaatit attartornermut isumaqatigiissut atsioriartorlugu matuersaatissallu aallugu. Ulloq iserterfissaq emailimi uatsinnit pissarsiarisanni allaqqavoq.
Allaffiup matoqqanerani tikikkuit, KAF-imi pigaartut oqarasuaataat normu 55 77 90 atorlugu attaveqarfigisinnaavat
Taamaatitsinermi immersugassaq attartornermut isumaqatigiissummi ilaavoq, Sullissivik.gl iserfigalugu aaneqarsinnaalluni imaluunniit KAF-ip saaffiginnittarfiani pissarsiarineqarsinnaalluni.
Immersugassaq ineqarfimmit aninissaq kingusinnerpaamik sapaatip akunnerinik sisamanik sioqqullugu nassiunneqassaaq.
Ilinniartut Ineqarfiisa Allaffeqarfiat meeqqerivinni inissanik tunniussisinnaanngilaq.
Taamaattumik Kommuneqarfik Sermersooq aqqutigalugu meeqqavit meeqqerivimmi inissaqarnissaanik qinnuteqarnissannik nammineerlutit isumaginninnissat pingaaruteqarpoq.
Biiliutsinnissamik pisariaqartitsiguit, maani Nuummi suliffeqarfiit attaveqaateqarnermik suliaqartut atorlugit ulloq unnuarlu taxamik inniminniisinnaavutit.
Nuuk Taxi: 36 36 36
Taxagut: 321 321
Nuummi busseqarneq pitsaasumik ingerlavoq, angalaartarfiilu bus.gl-imi nanineqarsinnaapput.
Nuummi sammisassat neqeroorutillu pillugit linkit atorluarsinnaasut:
Brugseni
Fitness GL
Kulturikkut illorsuaq Katuaq
Kommuneqarfik Sermersooq
Sunngiffimmi atuartitsineq (kommunimit neqeroorut)
Møbelmagasinet
Nuuk Center
Nuup Bussii
Naluttarfik Malik
Pisiffik
Visit Nuuk
.svg)
