.png)
Qinnuteqaasiorneq pillugu quppersakkamut tikilluarit.
Quppernermi uani qinnuteqarnermut, Nuummut ilinniariarnermut aammalu paasissutissat allat qimerluualaarneqarsinnaapput.
Qupperneq una qinnuteqarnissannut ikiuutaalluarsinnaavoq.
KAF-ip inissiaataannut qinnuteqaasiornermut ilitsersuut. Paasissutissat piffissaliussallu.
.svg)
Isiginnaagassiaq: Nuummut
ilinniariarneq pillugu takutitassiaq
Qinnuteqaasiortarneq, ilinniartut inaat allanullu tunngasut pillugit apeqqutigineqakulasut akissutissarsiffigikkit.
KAF-ip Nuummi sumiiffinni assigiinngitsuni ilinniartunut inissiat akisussaaffigivaai.
Nuummi ilinnialerniaruit nammineq KAF-imut kollegianut inissarsiussaatit, qinnuteqaatinnilu eqqaamasassaqarpoq.
Eqqaamasassat allagartat pingaarutillit aammalu qinnuteqarnissamut killigititaasoq ataani takuneqarsinnaapput.
1. Qinnuteqarnissamut killigititaq akiitsullu
Nuummi ilinniakkap aallartinnissaa sapaatit akunneri sisamat sioqqullugit
qinnuteqartoqarsinnaavoq.
Kollegianut qinnuteqartut Namminersorlutik Oqartussat kollegiaataannut akiitsoqarnersut misissorneqaqqaartarput. Namminersorlutik Oqartussat ataani kollegianut akiitsoqaraanni kollegiamik tunineqarnissaq itigartitsissutigineqartarpoq, akiitsullu aatsaat akilerneqareeraangata qinnuteqaat suliarineqartarluni.
2. Ilinnialernissamut allagarsiaq uppernarsaatillu
- Nuummi sivisunerusumik ilinniagaqassaguit, ilinnialernissamut akueritissimanermut uppernarsaat ilanngunneqassaaq.
- Nuummi atuagarsornissaq ingerlanneqassaguni, atuagarsoriarnissamut aggersaassut imaluunniit ilinniakkap aaqqissuussaaneranut pilersaarut ilanngunneqassaaq.(Ilinniakkap aaqqissuussaaneranut pilersaarummi allaqqasarput, qaqugumiit qaqugumut atuagarsorneq praktik-ernerlu ingerlanneqarnissaanut pilersaarutit).
- Nuummi suliffimmi misiliinermut isumaqatigiissuteqarsimaguit (praktik-eriassaguit), suliffimmi misiliinermut isumaqatigiissut (lærlingekontrakt) aammalu ilinniakkap aaqqissuussaaneranut pilersaarut ilanngunneqassapput.
(Ilinniakkap aaqqissuussaaneranut pilersaarummi allaqqasarput, qaqugumiit qaqugumut atuagarsorneq praktik-ernerlu ingerlanneqarnissaanut pilersaarutit).
Uppernarsaatit qulaani pineqartuni, pilersaarut malillugu ilinniarnerup ulloq aallartiffissaa naammassiffissaalu allaqqassapput.
3. Sumi najugaqarsimanermut uppernarsaat/Historisk bopælsattest
-Qinnuteqartup inooqatigisallu sumi najugaqartarsimaneranut uppernarsaataat qinnuteqaat nassiunneraniit ullut 14-it sinnerlugit pisoqaassuseqassanngilaq. Malugiuk KAF-ip sumi najugaqarnermut uppernarsaat nalinginnaasoq (bopælsattest) atussanngimmagu.
Historisk bopælsattest Mit ID atorlugu uani aaneqarsinnaavoq:
Sumi najugaqarsimanermut uppernarsaat
Ilitsersuummik pisariaqartitsiguit isigininnaangassiaq una takujuk.
4. Ilaquttat Nuummut ilaasussat
Ilaquttat Nuummut ilagineqarsinnaapput, aatsaat ilinniartup meerai 18-it inorlugit ukioqarpata, aappaa inooqataaluunniit ilinniagaqarnersiutini tamanna pillugu malittarisassat naapertorlugit akiliunneqarlutik angalasinnaatitaappata.
- Angalanissamut akiliunneqarlutik pisinnaatitaasut pillugit, ilinniarfinnut saaffiginnissutigalugit paasiniaasinnaavutit uppernarsaammillu piniarlutit.
5. Attavissat pillugit paasissutissat
Oqarasuaativit normua emailillu eqqortumik allannissaat pingaaruteqarpoq.
KAF-imiit attaveqatigiinneq taakku atorlugit pissammat.
6. Qinnuteqarnissamut immersuiffissaq
KAF-imut qinnuteqarnissamut immersuiffissaq, uani immersoruk: sullissivik.gl
Imaluunniit toqqaannartumik e-mailikkut uunga nassiuguk: kafadm@kaf.gl
KAF-imut qinnuteqaatit tamarmik ullut 14-it qaangiutsinnagit suliarineqarnissaat sapinngisamik anguniarneqartarpoq. E-mailikkullu akissutisissaatit. Akissutisisimanngikkuit KAF saaffigisinnaavat.
7. Uppernarsaat
Qinnuteqaatit akuerineqarpat, kollegiami inissaqalernermut uppernarsaammik
KAF-imiit e-mailikkut nassinneqassaatit.
.svg)
Kingornani Nuummut tikinnginninni ataasiakkaanik eqqaamasassaqarputit.
Tamanna pillugu Nutsinnginnermi-mi annerusumik atuarsinnaavutit.
Ilinniartut Ineqarfiisa Allaffeqarfiat KAF, Inuk Media ApS ilinniartullu suleqatigalugit illinniariarluni Nuummut nuunneq pillugu piviusulersaarusiorpoq.
MitID-t atorlugu sullissivik.gl-mi imaluunniit kafadm@kaf.gl-imut qinnuteqaateqarnermi immersuiffissamik nassiussinikkut qinnuteqaateqarsinnaavutit.
Nuummi najugaqareeruit, kollegiat inuusuttunullu inissianut tunngatillugu Iserit.gl innersuussutigaarput.
Qinnuteqaatit tamarmik inissiisarnermit ataatsimiititaliamit suliarineqartarput, inissiisarnermit ataatsimiititaliaq aqutsisumik, allaffimmiumik kollegieinspektørimillu inuttalersugaavoq. Inissiisarnermi ataatsimiititaliap, kollegiani inissat tamarmik nalunaarutit atuuttut naapertorlugit tunniunneqarnissaat qulakkeertussaavaa. Taamatuttaaq inissiisarnermi ataatsimiititaliap, attartornermut isumaqatigiissummik sivitsuinissamut qinnuteqaatit (statusændring) aammalu ineqartut inoqutigiivinik allannguuteqartitsinerit suliarisarpai.
Inissiisarnermit ataatsimiititaliap kollegiani inissanik tunniussinerup nalunaarutit atuuttut naapertorlugit pinissaanik qulakkeerinnittarput. Taamaattumik nammineq sumi ilinniarnermi ineqassanerluni kissaateqartoqarsinnaananilu aalajangiisoqarsinnaanngilaq.
Kollegiani inissat
Ilinniartut ineqarfii pillugit Inatsisartutinatsisaat
nr. 42, decembarip ulluisa 12-ianni 2019-imeersoq
naapertorlugu attartortinneqartarput.
KAF-imi qinnuteqaatit tamaasa ullut 14-it qaangiutsinnagit suliarineqarnissaat sapinngisamik anguniarneqartarpoq. Emailikkut akissutisissaatit. Akissutisisimanngikkuit KAF saaffigisinnaavat.
Ineqarnermut akiliut FI-korti atorlugu akilerneqassaaq, taanna najukkami adressinnut nassiunneqassaaq.
Akiliut KAF-ip kontuanut nuunneqassaaq ugguuna: 6471-1023850.
Bankimi nuussinermi Inuttut normut allagartassaani allassallugu eqqaamajuk.
Ilinniartut Ineqarfiisa Allaffeqarfiat meeqqerivinni inissanik tunniussisinnaanngilaq.
Taamaattumik Kommuneqarfik Sermersooq aqqutigalugu meeqqavit meeqqerivimmi inissaqarnissaanik qinnuteqarnissannik nammineerlutit isumaginninnissat pingaaruteqarpoq.
Ilinniartut Ineqarfiisa Allaffeqarfiat Nuummi kollegiani inissanik amerlasuunik peqarpoq.
Uani paasisaqarnerusinnaavutit: Ineqarfiit
